Pitia na ukubaliane na vigezo na masharti
Masharti ya Faragha ya Kufungua Akaunti – NMB Pesa
Faragha yako ni muhimu kwetu. Taarifa hii ya Faragha inaeleza jinsi programu ya benki ya NMB Mkononi inaweza kukusanya, kutumia na kushiriki taarifa zako, na namna taarifa hizo zinaweza kutumika au kushirikiwa.
Ili kulinda usiri wa taarifa zote unazotupatia, sisi NMB Bank Public Limited Company (“NMB”) tumeweka kanuni zifuatazo za faragha:
Tunakusanya taarifa binafsi ambazo tunaamini ni muhimu na zinazohitajika ili kutimiza mahitaji yako ya kifedha na kuendesha biashara yetu.
Tunazitumia taarifa zako kukupatia huduma na bidhaa bora zaidi za kibenki.
Tunaweza kushirikisha taarifa zako binafsi na washirika wa NMB, kampuni dada au mawakala na watoa huduma wengine wa tatu pale ambapo sheria na kanuni hazikatazi. Hatutashiriki taarifa zako na taasisi yoyote ya nje bila ridhaa yako, isipokuwa kama sheria au kanuni zitatulazimisha au tukishakujulisha mapema.
Wakati mwingine tunaweza kulazimika kutoa taarifa zako kwa mamlaka za Serikali, mahakama au wadhibiti wetu, lakini tutafanya hivyo pale tu panapohitajika kisheria.
Tunakusudia kuweka taarifa zako sahihi na zilizosasishwa, hivyo unatakiwa kusasisha taarifa zako mara kwa mara.
Tumeweka mifumo madhubuti ya usalama ili kuzuia upatikanaji usioidhinishwa wa taarifa zako binafsi, hata kwa wafanyakazi wetu.
Wafanyakazi wetu, mawakala na watoa huduma wengine wa tatu wenye ufikiaji wa taarifa zako wanalazimika kuheshimu wajibu wa kutunza usiri wa taarifa.
Usalama wa Taarifa
NMB inajitahidi kuhakikisha taarifa zako binafsi zinalindwa dhidi ya upatikanaji, uchakataji au ufutaji usioidhinishwa au wa bahati mbaya. Tunatekeleza hatua za kiusalama za kimfumo na kiteknolojia kuhakikisha taarifa zako ziko salama.
Kwa nini Tunakusanya Taarifa Zako - Tunazikusanya ili kuendesha huduma zetu kwako na kuboresha uzoefu wako kama mteja. Bila taarifa hizi, NMB inaweza kushindwa kufungua au kuendeleza akaunti zako, au kutoa huduma za kibenki ipasavyo.
Taarifa binafsi pia hukusanywa katika shughuli za kawaida za kibenki ili kuendeleza uhusiano wa kibenki.
Matumizi ya Taarifa Zako - Taarifa binafsi zinaweza kutumika kwa ajili ya:
- Kuendesha huduma na mikopo ya kila siku;
- Kufanya ukaguzi wa mikopo;
- Kusaidia taasisi nyingine za kifedha kufanya ukaguzi wa mikopo;
- Kubuni huduma na bidhaa mpya za kifedha;
- Kuuza au kutangaza huduma/bidhaa za kifedha;
- Kubaini kiasi cha madeni kati yako na NMB;
- Kutimiza matakwa ya kisheria yanayomhusu NMB au washirika wake;
- Wanaoweza Kupokea Taarifa Zako - Taarifa zako zitabaki kuwa za siri, lakini zinaweza kushirikiwa na;
- Mawakala au watoa huduma wa tatu (mfumo, mawasiliano, malipo, n.k.) wanaosaidia uendeshaji wa biashara ya NMB;
- Watu au taasisi zilizo chini ya wajibu wa kutunza siri kwa niaba ya NMB;
- Mashirika ya ukaguzi wa mikopo na, pale unaposhindwa kulipa, kwa makampuni ya ukusanyaji madeni;
- Mamlaka au taasisi ambazo kisheria NMB inalazimika kutoa taarifa; na
- Mtu yeyote atakayechukua jukumu la NMB kwa uhamisho wa haki au wajibu wa kibenki.
Baadhi ya huduma zako zinaweza kushughulikiwa na washirika, kampuni dada au watoa huduma wa tatu. Unaweza kuwasiliana nasi kwa maandishi iwapo unataka nakala ya taarifa zako binafsi.
Baadhi ya huduma zako zinaweza kushughulikiwa na washirika, kampuni dada au watoa huduma wa tatu. Unaweza kuwasiliana nasi kwa maandishi iwapo unataka nakala ya taarifa zako binafsi. Iwapo una malalamiko kuhusu matumizi au usimamizi wa taarifa zako nyeti, unaweza kuwasilisha kwa Customer Service Team kupitia: [email protected]
Mabadiliko ya Taarifa ya Faragha
Taarifa hii inaweza kubadilishwa mara kwa mara. Tukifanya mabadiliko, tutachapisha sera mpya kwenye ukurasa huu pamoja na tarehe ya "Mwisho kusasishwa" juu ya ukurasa. Mabadiliko yote yataanza kutumika pindi yatakapochapishwa, isipokuwa kama tutaeleza vinginevyo.